Papa

Siya ang naghahatid sa eskwelahan

Siya din ang taga plantsa ng aking damitan

Taga luto rin siya ng baon kung minsan

Kapag walang pasok siya’y kalaro at kaibigan

Nariyan siya kapag nariyan na ang aking toga

Sa paglingon mo ngiti ay naka pinta

Sa mga naabot mo, siya ay masaya

Dun pa lang pakiramdam ay kampante na

Alam mong siya siya ay poprotekta sayo

Sa lahat, siya yung tagapagtanggol mo

Sa lahat ng ulan sa mata mo, siya ang panyo

Siya yung kahit anong mangyare di magloloko

Kilala siyang matikas at matipuno

Matibay at bato ang puso

Bumagsak man ang lahat ng unos, siya’y mananatiling nakatayo

Dahil siya ang nag iisang tatay mo

Mo, kasi wala naman ako nun

Oo, lahat ng iyan kwento ng karamihan

Galing sa mga tatay niyong pinapahalagahan

Sa tatay mong walang sawa kang poporotektahan